紀念日

上個月的今日結婚了,咁啱我同mike都放假,本來plan好一早swimming,嘩,今朝幾大雨,結果去左royal pacific hotel 食個lunch 自助餐, 之後行左一陣街,又去唱卡拉ok.我地好耐無去,好多新歌都吾識,out哂!! 跟住番沙田同媽咪,jeffery食dinner.點知比媽咪屈左部洗衣機!!!!
我問mike.比你用2個字講.過左1個月結婚的日子,你有咩feeling.佢笑, 話 - 平淡 ! 我話咁3個字? 佢話 - 好平淡 !! 咁4個字係咪好鬼平淡.佢話- 不過不失呀, 我話咩吾係後悔莫及呀, 笑死!!
佢問:你鍾意我d咩, 我話鍾意你鍾意做家務呀,你吸麈拖地個樣好型呀,佢話:其實我都吾係好鍾意做, 我話,呀.我都吾係好了解你 !!
我地2個就係咁,he he ha ha又一日 !!

祝福

今日一早已收到4個朋友電話和msn的祝壽. 我成日都話,朋友吾洗多. 知心的,一個已足夠,何況我吾只. 我好幸福呀.

朱古力雲石麵包

梗係無麵包店咁好味la. ~_~

捲得吾夠實,吾靚呀 !!

遺憾

人的一生,是否一定有些遺憾..
老公在婚禮上說.我們的婚禮有2個遺憾,就是外父(即我daddy)已不在,未見過佢,另外就係父親入了醫院黎吾到.
老爺的病一直很反覆,不能進食,只可插喉,但精神還可以,一時又出院,過了2日又回去了!
老爺和奶奶將一生的時間,心機放到自己白手起家的菜當都要結業了,早已叫他們退休去玩, 就是不捨得,放不低,現在只是迫不得已吧了.
出了院,奶奶學餵奶,換喉,雞手鴨腳的,仍是樂意的,我看到了愛.
早一排,老公在車上對我說了一番話:
你介吾介意我地吾好儲$住, 2年呀.將我地多出黎的比哂亞媽好吾好, 又未必係所有呀, 8成呀,因為我地幾兄弟相量了佢地的生活,醫葯費,本來已計好每人幾多,但原來只係我一相請願的想法.他們拿不到,只可比一半 !!
我說, 一講到 $ 就咁. 你心淡嗎, 他說 "不" . 我竟然比他更吾開心,更嬲,反而佢安慰番我,吾好咁小事吾開心.
老公說,只是最壞打算才這樣,我都吾想拖累你. 吾想打破你的儲蓄計劃.
我在車上哭了,我說,10年前如果我可以用任何方法令我可以見多daddy幾面,我咩都會做,現在你有方法令佢地活得更好, 可以對佢耐d, 我吾想你同我有同一樣的遺憾呀.我地出到$係我地的福氣呀,我心知 "吾儲$"的日子都吾會長,佢地養了你30年,宜家我地只係回報吧.拖累?佢吾係我daddy 嗎 ?我地有分別嗎,你知我係咩人呀老公.
佢話,我就係知你同我都係同一類人呀. 我就係知你好呀.
宜家幫到佢,就好似當年我有d野做吾到. 宜家做到了. 其實係佢幫左我就真..
daddy 同老爺都係上一代白手興家的.佢地有自己的公司,鋪頭,一分一毫都係有汗的,現在我地成日怨番工辛勞,佢地d $總是留給仔女日後用的,我們出糧後,d $去了邊? 我地真係心中有愧..
daddy. i love you ^_^

朱古力淋面moose蛋糕

好肥呀. 其實係老公的生日蛋糕,有3層, 有朱古力蛋糕底, 古力moose, 再加古力淋面, 仲吾肥 !!

菠蘿梳乎里

問男朋友 (呀.應該係老公)想吾想食野,佢話不如食心太軟,我話又係呀, 佢話不如你講你想整咩呀,我話想整d未整過的, 佢話你都有答案了,仲吾去整,你整咩都食呀. ( 其實好多女仔都有呢個通病,成日問你想去邊度食飯呀,人地講左又話吾好, 好煩 !!）　＾０＾

特別的禮物

吾係賣廣告, 呢個品客係我鍾意的零食之一,同事ada話知我忍了口3,4個月,所以專登整2條比我,仲方我吾肥整多盒朱古力, 又吾知其實我12號已急急買了給自己^0^ . 當人人說我廋了, 佢比咁多野我食,吾肥爆都熱氣到暈呀, 激死 !!
各朋友們:如果無身材=廋 , 我真係好廋,不過你地有無看我的下身呀.比我呃哂了,我吾想一結婚就成為一個肥c拉呀 !!

ABOUT MY WEDDING...

多謝各方好友的祝賀, 賀禮.
第1張是妹妹給的祝福CARD. 是我鍾意的MICKEY AND MINNIE.
第2張是認可的婚書, 有了這張婚書,我就做了何太.
第3張是放在接新娘時用的花車公仔, LALA的婚紗是另外襯的,
第4張是媽咪送的龍鳳手鐲.

我的身份改變了

今日開始,我已不可再稱呼自己做鄭小姐了, 我的身份是何太,一個我要開始習慣的稱呼.
尋日天氣真係好好, 我最擔心的天氣問題無左,成日星期不斷的行雷雨,老公一直對我說放心吧,咩都落完呀,不用擔心,結果真係有太陽,到我們入了酒家,出面又一次大雨,已影響不到我們了..
因為老爺入了院,男家的人都吾開心,當然最吾開心係奶奶,所以我地好多野都低掉了,老爺的事令我好擔心,會吾會我地的婚禮吾可以如期進行, 會吾會中途停止,係我一直吾放心的事,但當過了整個婚禮,影相哥哥要我同老公都拍多段說話的時候,我先發覺自己係好自私好自私,點降我一直擔心的吾係老爺的病,而係自己的婚禮,我要受的壓力,擔憂吾會多過我老公,說到這裡我已哭得不似樣了,老公還要反過來安撫我.我太過份了!!
另外我在致謝時向媽咪講,記吾記得我地過大禮時,老公講左句說話,不過呢句說話我2年前已聽過,所以我知道佢吾無口花花咁講,佢話今日你嫁女,你無小左個女,只會多左個仔,我講完之後全場拍手,老公番到屋企話,仲以為你講咩,呢D野好平常呀,你做咩咁大反應咁深刻,我話其實你好多時做左好多細微野都令我好感動的,只係我無講^_^
另外,我希望有睇我呢個BLOG的親戚朋友,體諒我男家未能盡情開懷令大家開心.因老爺的病不是小感冒的小事.
TO ABBY : 請原諒我無再一次0係致謝時多謝你,尋日真的太辛苦你了. 衷心希望你7月的婚禮完美的. 原來上到台上真係咩都會吾記得.
TO KA WAI : 多謝你的幫忙,祝你同KEI日日都咁開心.
TO TONY : THANKS AGAIN. CHECK EMAIL LA .
TO JEFFERY : 我會交低利是比媽咪,再一次SAY SORRY AND THANKS A LOT .

EVERYBODY : I LOVE YOU ^_^

仲有幾日...

今日放假, 仲要番多3日工就正式放假,好多野未整,一諗就瞓得吾好, 到個日肯定仲衰, 成晚眼光光!頭先睇左天氣預告,知道天氣吾好都係落雨,個心一沉, 希望到時有陽光呀.
有朋友送了張card比我, 正式呢講其實佢係我一個熟客,不過咁多年之後已成為朋友了, 佢生仔又會話我知, 得閒又sent family photo 比我, 真開心.

繼續倒數

今日出左去fitting.問清楚人地租車呀,花球呀, 試衫等等. 仲買左車頭公仔, 原來可以選吾同衫呀, 好得意. 順便打比妹妹叫佢有時間就試衫, 好彩佢提我,原來我個package 有上頭用品, 吾係我又走去買 !! 我呢個做家姐真係一d都吾似樣, 激死人!!
尋日男朋友同我講,如果m m 走左要同佢講, 我話做咩呀,我以為佢想去swimming, 原來佢話係時候整紅棗水我飲,因為佢話宜家飲,會補血,咁咪月黎月多血? 錯哂呀, 要之後先飲先好呀. oh, so sweet ^_^

BUSY..

開始返COUNTER. 日日都O.T . 不過做得好開心. 男朋友話開頭好擔心我吾習慣, 不過佢見我開心左, 充實左, 放心哂, 唉, 我仲細咩 !! 我地尋晚整請帖D野, 入利是,餅CARD, 有些要西餅, 有些中,西都比, 吾知0個D又要問媽咪.好亂. 好攪笑, 不過男朋友吾係好ENJOY. 佢成日話吾明點解要攪咁多野.
呢幾日成9點先放工, MIKE又係, 好幾日都等埋一起食, 好夜. 發現出左個小肚腩, 喂, 吾係宜家先整D咁野呀. 減吾切呀 !!
中銀上市, 好想同D公公婆婆一起排隊. HA HA HA...
好MISS D 薯片呀....

新工作環境

今日開始,去左一個新的地方做野,雖然同一間公司,不過對的人吾同哂,做的都有小小吾同, 不過一放工已有2個同事打比我問我點,好開心呀,仲有因為宜家番工吾可以開電話,男朋友話成日都好擔心呀.怕我吾慣!
尋日番左大陸拎相,有張POSTER 錯左,激死,又要下次再去 !!
夜晚一家人食日本野, 吾係太好, 不過好難得一家人又食得開心.最開心係媽咪吾洗比,最吾開心可能係細佬,佢竟然比最大份, 因為亞哥0係上星期同亞婆慶祝時比哂, 今次佢吾肯比,所以謝夫今次就做最孝順0個個呀.
打比妹妹,之前知佢結婚化妝0個度有問題,不過知佢好吾得閒,吾敢煩佢, 不過都係忍吾住,知佢已訂好哂野, 安心哂, 咁我又擔心小一樣.
我都開始寫請帖了, 宜家已進入我的大日子倒數階段呀, 好緊張呀.

超吾開心

yesterday約左個朋友出黎食飯, 亦係我第一張請帖發出. 0係公司,同同事講開請帖封面對長輩的尊稱時發現,原來我一直都誤會左, 比如比我亞伯, 我以為請帖就係比大伯, 但原來錯, 因為呢張請帖吾係以我名義發出, 係以我daddy . ma 咪發出, 所以所有尊稱都係以佢地為準,咁又係wor,張請帖入面都係寫小女結婚, 吾係寫本人, 咁我同媽咪講,咁我哥結婚時咪錯哂?佢竟然話吾識呀, 錯咪錯low ???!!! 我再同我哥講,你之前有無問過人點寫ka.咁我係咪要改呀,佢都係話照錯la.你宜家改左人地咪知我之前錯low. ???!!! 咩呀,明知錯都照錯 ??!! 有邊個可以幫我呀 !!!!!

朱古力雪芳蛋糕

個模買左番黎第2次用, 今次甩模好過上次.雪芳蛋糕真係鬆軟好多.