芝麻卷

我整麵包的技巧仍有待學習,所以都係整d簡單的包包, 明天當個早餐吧@_@

西米盞+千層糕

整呢個西米糕真係好好笑,之前我已失敗過1次.其實我係第一次整西米, 之前係整西米糕.見個食譜用生抽+西米攪埋一起已覺奇怪,咪brown colour ?? 咪咸味??不過吾埋,個食譜無理由錯,咪整low,0個個食譜係先蒸左西米先,不過已一pat pat,好失敗,又咸,好怪,仲同老公講,點解會咁.今日再整,不過就整第2樣,就係今日的西米盞,(2樣食物都係用西米).老公話今次吾好加生抽呀, 我就再睇多次個程序先整,見個食譜..... 吾係生抽呀,係生油呀....天!! 點解我睇咁多次,都係見到"生抽" ??!!! (一陣講比老公知,佢一定笑c我)....
至於呢個千層糕,之前已整了2次,不過都吾係太好, 今次請教了貓網的wing wing.真係好好味呀,不過我太心急,太快切,切得吾好... anyway. thanks wing wing..^_^

小小蛋糕仔 - 係moose cake呀

老公成日話我整咁大個蛋糕,2個人食吾哂,今次就d細細杯la. 係香橙moose cake.個面加左blueberry. 吾錯wor ^V^

老婆餅

2007年第一日, 整左個老婆餅,等老公食完之後咩都聽哂老婆話, wah ha ha...
祝大家新年快樂,有個好的開始 ^_^

Focaccia 意大利香草包

老公知我整無餡麵包.好似好無期待咁,估吾到老公都鍾意, ^_^

雪人遲到了 !! - 士多啤梨戚風蛋糕

cream cake 係我其中一個弱項, 真係要比心機學呀 !!

不靚靚,但好味的薑餅

一心整薑餅,整完先發現.....無哂糖霜,整吾到裝飾,不過都無所謂la.我不嬲都無裝飾天份,多數整左仲衰過吾整 !! 剛回家發生一件小事,不過得自己一個好無助,老公番工了,但自己又應付吾到, 打比媽咪,好彩佢正出街食飯,大膽問一句,可吾可以過黎我屋企,吾係我成晚吾洗郁, 結果媽咪真的黎救了我, 其實這小事係... 我見到隻小強呀. 雖然吾係好大隻,當我見到佢時,我即去kitchen拿了一個碗"com"住佢, 不過又吾知佢會吾會0係d邊度走出黎,咁我再用個小小垃圾桶再"com"住,就係咁,我用腳踏住個垃圾桶, 5分鐘後,發覺都係吾對路就打比媽咪了.. 死la.都吾知係0係出面入黎定屋企邊度有野dirty,點好 !!! anyway ...oh !! mammy. i love you.

迷你砵仔糕 & 椰汁紅豆凍糕

今日係平安夜,老公要番工,自己無出街,整左2種食物, 其實應該整d西式食物,不過買左本書,又想快d清哂d粘米粉,所以整左中式食物.不過開頭想用cookies 模cut d紅豆糕出黎,不過衰左.下次要用番布甸模呀 !! 上次整砵仔糕d紅豆煮吾淋,今次得左, 祝大家聖誔節快樂.

芝麻湯圓

細個時新年呀, 好凍的時候一定會食"利x"湯圓, 不過近1,2次食已發覺這品牌不好味, 加上之前買了很多糯米粉整月餅又用吾哂, 咁就自己整了, 老公話個皮好好,不過d芝麻太重手, (因為我地2個都鍾意芝麻,咪整多d low), 好! 下次整其他味道先 ^_^

我只想... 身體健康

今日照左x光, 條腰真係斜左,仲影到骨刺, 舅父話無得醫,只能盡量游多d水加強個背肌, 我問,我宜家條腰痛成咁,又無得整番直,只可食止痛葯,吾係食一世呀!!佢話真係無,我好吾開心, 媽咪話識人0個d針灸,老公話佢吾信呢d野, 比人打到半身不遂就死梗!! 我多口問左一句舅父,咁大肚咪仲痛仲辛苦, 點知佢話吾關事,生仔係用盤骨, 老公即刻話,吾好比藉口自己吾洗生. 傻傻0地, 咁都比佢知我諗咩 !!

樹頭蛋糕

老公話吾似樹木呀, 不過我都吾係好滿意, 買左杏仁榚諗住整裝飾,不過整得吾好, 我整呢d要裝飾的蛋糕都無無天份 !!

香橙mousse cake and 蟹柳腸仔包

不過今次個麵包無上次咁好, 吾知點解搓左好耐都仲chi 手.

呢個蛋糕令我知道咩叫一波三折, 話說呢個邊邊蛋糕,我第一眼見到已好鍾意,不過吾係好明點整, 多得泡泡茶再3教導,今日老公番公得自己一個,就的起心肝整. 個蛋糕邊本身想整朱古力cream. 點知原來得番白力, 我怕太甜同埋個蛋糕又白白0地,怕個色吾出, 就改左用cream+可可粉,(都未整過吾知得吾得), 之後到入面,諗住用古力+脆片碎做餅底. 咁咪迫住用白力,不過白力無黑力咁易溶, 好杰身, 最後都整到,不過好彩我有試味, 吾知點解加左古力後d脆片淋哂, 想死 !! , 好彩之前整個蛋糕片有多, 即用黎做底. 到個mousse, 手快未等d橙汁涼就加入cream, 結果咪d cream 溶左low!! 整裝飾d假力都吾聽話, 爛哂, 激死人呀 !!

牛油餐包

今次係我整咁多次麵包以黎最最最有心機的一次, 以前我見個麵團一chi手,我就加手粉,今次點都吾加,原來真係搓耐d就吾chi手, 我一路搓一路諗,原來我之前係咁加粉真係錯哂,今次比我平時係搓耐左好多. 之前成日吾明,雖然個包好鬆軟.但點解次次焗完都有麵粉味,個面好硬,我仲諗係咪個爐溫有問題, 睇左好多整麵包的討論,又有貓友wing wing 小詠的提點.今次比我成功左了, 無麵粉味,到最後發酵時仲可以拉到薄膜.(雖然吾係好叻,不過比起之前我一拉就分開2件已好好了) 學左wing wing 入左爐之後2分鐘先加蛋汁,可能我塗得吾平均,整到有"2種色"咁, 不過... 好味 *v*

神秘禮品

呢幾日條腰痛得好緊要好緊要,坐吾安,食吾樂.坐巴士番屋企45分鐘都好辛苦,同事話吾可能係坐骨神經有問題,好長手尾,又話要打針,要做"物理置廖". (死,痛到咩都吾識寫). 好吾舒服 !!
早幾日老公整左紅棗水比我,不過d水壺比番哂媽咪, 所以用住d checp checp 水壺,點知一d都吾保溫. 頭先番屋企,見到有支紅色物體, 即時笑了出來, 雖然d水吾保暖,不過個心就好溫暖. ha ha..

ugly chocolate cake

呢個蛋糕係我0係電視無意見到星級厨師tony整的,個蛋糕係好ugly,發高之後會凹左落去,因為材料無麵粉,無力支撐個蛋糕. 不過好好味,因為個面好"翠",入面就好溶口,好似入口即溶朱古力,最衰自己怕失敗,開頭見佢係咁升,怕太近發熱線會整"lone",所以加左個網整塊錫紙,點知就有個印.不過吾怕la.反正佢都吾係靠外表.ha ha. 值得推介.