沙巴之旅- day 2 -- part 1

係個艇員幫我地未開始時影,個個好開心,之後就叫help....其實左.右2個最吾安全.中間2個人有2個位比佢地撐住. 我地有1邊無得撐.(我右腳其實撐吾到,一大力撐已經係水) 呢張相係用水底相機影的,我地再用數碼相機影呢張相,所以張相有d怪怪的)

d海膽係0係個碼頭影. 仲有好多..

另一碼頭,個海仲多..

bbq lunch.都有蝦.蟹,魚,但仲有wo 蠅... so dirty

可以留意0下係2指同中指骨位紅左,其實吾只紅左,係腫左,因為捉得太大力.

4/7.尋晚瞓得吾好,我不嬲都好怕瞓生保床,酒店床又淋,條腰好痛.2點幾,3點.5點,6點都醒左. 今日都係一早食個breakfast.就出發出island.本身我plan左只去馬奴干島,因為好多魚,水清.有珊瑚.原來加多20可以去埋沙比, ( 沙比只有香蕉船呀,水上電單車0個d,我地都無興趣,不過加20又include 埋個bbq lunch,就要埋la. 先去sapi island. 我地只take 左"飛魚"玩,各位吾怕水,最愛刺激的一定要玩.係咁嘅.有個人駕著快艇,拖住我地,我地係由3條香蕉船合併埋的物体.當佢開到好快,我地係會跳起,甚至飛起, helen坐前面,佢話有75度角高.我,老公,waiyuk 3個平排坐後面,佢開到好快都無事,不過佢一掟彎.我大半身已掉了落海.之前佢講解過如果你落左一半水,就要放手,其實我又怕我條腰整到,咪放手low.都吾知自己沖左去邊,條泳褲已跌了1/3. 一個人在海中心,佢地隻快艇已好遠,其實幾驚,仲要聽到佢3個0係度大笑.激死 !! 上番水又開始過,今次到waiyuk 趺落水, 第3,4次都係掟我0個邊,玩完先知原來waiyuk 同個艇員打左眼色叫人地吾好掟佢0個邊,攪錯呀 !!!
15分鐘玩完,上水玩左陣,又出發去馬奴干. 先食個bbq lunch, 好多蠅.好dirty咁,食小小就出去浮潛,好多魚,珊瑚,靚過關島呀,不過之前太用力,好攰.不過真係超好玩..

沙巴之旅- day 1 - part 2

我地就係第一張枱食,台上面有好多著民俗服的人跳舞.

服務員整左個花花池. 雖然我地番到酒店d水已凍哂,但個心真係好warm..

這是dinner 的地方,好大型的food court.不同酒家,食堂咁,仲有馬來西亞人跳舞.

叫左helen & waiyuk 黎食蛋糕.

張床最好笑,好誇張呀,好開心的.

今日無plan 行程,主要想休息0下, 0係swimming pool 玩左一陣,0係池邊食左個pizza就番上房,跟住0係樓下book明天的local tour, 就坐的士出市中心找supermarket.之後就dinner.同事叫我一定要食"天天"的sea food. 話講中文一定識,點知問左receiption 都吾知,攪左好耐先知吾係叫天天,係叫雙天!!!又幾平呀,食左好大條班(好滑),老虎蝦.沙巴薯仔菜(yumi推薦).炒飯.扇貝.串燒...好多,都係hkd500.係好好味..之後番酒店..wa wa wa...做咩間房吾左樣 ??!! 張床多左大蝴蝶.有birthday cake. 仲有人"教"堆水,整堆花花0係浴缸... 好細心,好浪漫,好意外呀...

沙巴之旅- day 1 - part 1

hotel lobby 的一小部份.

上面呢個係其中一個露台. total 有2個.呢個0係廳,另一個0係房0個邊.

呢個係其中一個洗手間,當然有企缸 & 浴缸 . 0係個廳度可以行入去的. ( 好有情調呀...)

呢邊係睡房, 一入房已有一朿花在床頭. 真細心呀.出面都係露台, 看海的,晚上聽著浪聲瞓.

這間是客聽的另一間房, 4個人可以開枱呀.. ( 不過之後0係度食蛋糕 )

這個客廳.上一張相的( 房仔) 就在soft後.

3/7 . 是我的生日. 4:45am起身,出發到馬來西亞的沙巴. 好開心.上年無去旅行,今年要玩個夠呀.先介紹今次的hotel - sutera harbour magellan wing resort. 離機場5分鐘車程,是市中心,很方便的.因為自己係travel consultant.同呢間hotel 不嬲都有contract,一早同左佢地講我係birthday and honeymood . 所以一早已知道可以upgrade, free 1 dinner and 1 night free. 呢間hotel 分pacific wing & magellan wing. 加堆私人沙灘,golf 場. 真係好大. 不過最意想不到是,當我check in 時, 佢話upgrade 左一間豪華海景套房比我. 當我上到房,我地都嘩嘩聲.真係好靚呀...

可怕的小強

早前提過我遇到小強會點,今次主角不是我呀.是我的最好朋友....
尋晚12點幾,我的好朋友"小燕" 打黎問我老公0係咪屋企,佢好驚,原來佢屋企飛了一大隻小強入屋,佢老公番夜,收4點. 無方法之下打比我求救. 天呀,吾好話幾大隻呀,仲要飛wor !!!mic 又係收2點.我只好陪佢傾電話,等mic番low. 大家傾傾0下已2點,mic 回來了,我二話不說叫佢去小燕度, 攪左一陣佢就番黎了. 所以話,屋企一定要有一個吾怕小強的人呀. 你話如果mic番overnight, 我地2個會點呢, 可能會叫小燕黎我度過一晚呀...
介紹一0下小燕先,佢係我幼稚園,小學,中學的同學, 住同一條村, 到我結婚,我又係搬去同佢一個屋園. 咁arm又住17/F . 對面樓, 我地吾係成日傾心事,不過好多野心照,睇住佢拍拖,結婚,生仔,真係好開心. 佢不停SAY THANK YOU, 其實真係無計,佢真係好好人KA.
老公番黎,梗係話我地2個傻婆LA. HA . 我地吾傻點影得你地D男人叻叻呀. 不過咁, 佢今次吾單只幫左小燕,仲幫自己加左好多分TIM. 算你LA .

傻佬聽日生日,不過我地都要番工,食DINNER 都吾得,要後日先得了, TOO BAD.. 連蛋糕都無呀....

頭先去左亞姨度食飯,表妹煲湯,勁呀, 不經不覺佢都好大了,自己都吾細了..HA HA.. 之後同MAMMY 傾計,得知哥哥好似睇開左. 我都放心了,希望佢快D無事LA...

BLUEBERRY MUFFIN

這是我今日的下午茶,加左奶,入面濕濕的,不似平時做的乾,一出爐已即食2個.好味.

雲石磅蛋糕

尋日係結婚一週年,同左媽咪細佬食日本野,吾錯呀,又平, 媽咪好攪笑,佢一早打比我問我有無飯開,我話無呀,出街慶祝呀,佢話咁最多我坐堆一邊吾阻住你地la...

收到妹妹sms祝福,仲比左好多生仔的information我, 多謝哂 ^_^

今日day off. 一早起身發現屋企無野食,(我又懶落街食),就是但整左個磅蛋糕,我太貪心,加多左可可粉,所以整出黎吾"雲石". d 可可粉又攪得吾均,結果上層古力味, 下層牛油味....

第一次---送花 !!

老公成日問我鍾意點樣嘅花,我話一支太陽花,佢話邊有人鍾意一支ka,我話我low !!

尋日無la la 話,你出廳呀,我送左份gift比你, 奇怪,做咩吾係親手比 !!

係呀,老公第一次送花比我,因為下星期一係我地結婚1週年la.好快呀...

老公 : 我專登出街買,揾左好耐,之後比我見到.不過原來係假的, 我問老闆可吾可以整真的,佢話可以. 講好價,到第2個幫我包0個個竟然吾同價, ha ha. 不過你可能吾鍾意我送的方式,可能你鍾意我拎住等你放工, 不過我真係做吾到. 我諗你都吾鍾意拎住周圍行.

我 : 係呀,你咁樣仲好,不過你拎住佢番黎 ?? 又無可能... 你有無用個膠袋袋住 ??

老公 : 梗係有la.咪好似0係百佳買完野咁low.

我 : .... !!!! 我都幾了解你 ....

老公 : 你生個仔,我又買.

我 : 你咪好著數? 一支花有一個仔.

老公 : 你先著數, 有老公同bb錫,

我 : 你都係ka.

老公 : 老公吾洗bb錫, 你鍚你daddy 多d定daddy錫你多d ?? bb 都係錫mammy 多d la. 你著數d.

我 : ....咁又係.... 不過都係比我諗諗先 !!!!

做好準備

尋日同老公去左家計會驗血. 我又有烏龍野,(特別0係老公面前我成日都係咁),姑娘問我地係婚前檢查定係懷孕前檢查, 我同老公一齊答,不過吾同答案,我竟然話係婚前檢查,個姑娘望住我地2個,話 : 你地點ka !! 老公又話我,成日吾知自己結左婚. !!!! 呢張係一張vcd, 未睇,不過開始緊張..

好dirty 呀

我好鍾意食蝦. 細個時連頭都食,大個知道個頭原來好dirty之後就無食了,開始要煮飯時都時常煮蝦,不過永遠吾知咩係膏咩係dirty 野, 直至早排看到蘇絲黃節目提到,原來只要0係個蝦眼斜斜地剪開,就會見到0個pat最dirty 的內贜 (吾知係胃定肺),結果比我見到,原來真係超dirty,原來我細個時真係食左好多dirty 野呀..... 好可怕呀 !!!!

朱古力軟心蛋糕

整呢個蛋糕真係一波三折, 好耐之前,表弟比左好大好大磚朱古力我, 我一心以為係黑力,今朝起身整,整,整, 打開個古力袋,原來係白力!!! 之後坐車去city super 買,好貴呀. 番到屋企又整整整. 因為食譜係7吋圓模,我新買了四方模,梗係用新玩具la.點知份量吾啱,最面0個層吾夠朱古力cover,要即刻再整第2份,不過又多過頭,(已經只用了1/2 份量), 結果就係最高0個層太厚朱古力.太甜low.

一連串計劃

已口頭應承了老公生bb,不過一直我都是說要開刀,我不能承受到10級痛呀, 不過剛剛看到雜誌上關於生bb開刀的後遺症和危險性, 我又被動搖了. 其實我真係未ready... 老公知道一定好擔心我會反口了......

因為工作關係,很多時有平機票, 不過不是常常用到, 馬來西亞航空近日出了同業優惠,比平時的package fare 仲要平成半, 剛好準備同老公去沙巴玩,本已訂了dragon air, 亦準備更改,誰知fax d information 去airline, 不足5小時,已回覆7月份全full 了, 但老公的大假不能改,只好改回平時的package fare. 不過老公家姐和她的朋友又有興趣,(正是和我們去關島的朋友仔),最後日子再改,正正是我生日當日出發, 酒店都book 好了,已upgrade sea view and dinner buffet,現在等酒店有無再free 1 night, 其實我比較鍾意dragon air,不過時間吾啱,無所謂la. 多d人去好玩d. ( 坐過幾間airline. 都係鍾意ci. 大d, 易upgrade. ^_^)

我的家

5月份,是一個特別的月份, 3年前我第一次搬出來住,買樓置業. 老公說想大裝修,我說咁快?家私仲好新淨呀.說說0下,原來不經不覺已3年了,時間過得很快. 他說,我們供完這層,就買第2層,又供過,到時我地就有2層樓, 第一次買5百幾呎,第2次買800呎,再買再買... 我沒有他的遠見,心中很喜愛這個家,是我第一個家呀, 我寧可買800呎比人住,自己都要住番呢度,老公老是說我傻. 仍記得當時仍是我男朋友的老公因工作收夜未能和我睇樓, 我就自己周圍睇, 睇左好多間,好多地區,一入這屋,我就心說,係呢度la.吾洗再睇. 找家私,買電器的情景,仍記得好清楚....!我們的目標是3年內要供完層樓,yumi.比心機,加油呀..

另 : soft 上的mickey mouse 是10多年前老公暗戀我時送給我的, ( 10年後我先知呀 ), 佢坐住soft 陪我睇電視,都睇到有黑眼圈了.... >_<

GRAND MARNIER DOME 半圓球蛋糕

今日約左幾個貓友出去學呢個蛋糕,好好玩,不過我仍然係整得最差的, 無所謂,下次0係屋企慢慢再試吧, 吾夠時間雪個蛋糕,所以有D溶,個頂都吾靚,花都整得吾靚,不過個蛋糕好好味,佢叫沙架蛋糕,有酒,吾太甜,I LIKE IT ^_^ . 夜晚食左2粒榴槤當DINNER.好肚痛 >_<''

雞肉炒烏冬

一個極易又好味的晚餐,最啱我呢個煮白飯都煮極都煮吾好的人. 我覺得好味過煮意粉呀, 一次開party一定要再整, 相信小朋友仔會鍾意. ^_^

花生糯米慈

之前qqlam比左個食譜我,遲遲都懶整, 好難得有4日假,一定要整唯,好味,不過糯米真係好難整,好痴手呀.