早前提過我遇到小強會點,今次主角不是我呀.是我的最好朋友....
尋晚12點幾,我的好朋友"小燕" 打黎問我老公0係咪屋企,佢好驚,原來佢屋企飛了一大隻小強入屋,佢老公番夜,收4點. 無方法之下打比我求救. 天呀,吾好話幾大隻呀,仲要飛wor !!!mic 又係收2點.我只好陪佢傾電話,等mic番low. 大家傾傾0下已2點,mic 回來了,我二話不說叫佢去小燕度, 攪左一陣佢就番黎了. 所以話,屋企一定要有一個吾怕小強的人呀. 你話如果mic番overnight, 我地2個會點呢, 可能會叫小燕黎我度過一晚呀...
介紹一0下小燕先,佢係我幼稚園,小學,中學的同學, 住同一條村, 到我結婚,我又係搬去同佢一個屋園. 咁arm又住17/F . 對面樓, 我地吾係成日傾心事,不過好多野心照,睇住佢拍拖,結婚,生仔,真係好開心. 佢不停SAY THANK YOU, 其實真係無計,佢真係好好人KA.
老公番黎,梗係話我地2個傻婆LA. HA . 我地吾傻點影得你地D男人叻叻呀. 不過咁, 佢今次吾單只幫左小燕,仲幫自己加左好多分TIM. 算你LA .
傻佬聽日生日,不過我地都要番工,食DINNER 都吾得,要後日先得了, TOO BAD.. 連蛋糕都無呀....
頭先去左亞姨度食飯,表妹煲湯,勁呀, 不經不覺佢都好大了,自己都吾細了..HA HA.. 之後同MAMMY 傾計,得知哥哥好似睇開左. 我都放心了,希望佢快D無事LA...
7 則留言:
你就好. 有個唔怕小強既老公. 我老公麥都唔怕. 就係怕小強 :(
祝你老公生日快樂!! 唔好掛住返工, 等閒要陪下老婆呀.
WINNIEVV: 我老公成日話最怕無 $ .
生日ar?? 生日快樂..
我都有同小燕的遭遇, 好可怕的; 那時在家,家中(媽咪家)一人都無, 看見一隻會飛的小強, 我驚得哭了出來;又無人救到我, 打比老公佢只叫我唔好驚, 唔好理佢, 大佬呀, 我點可以由得佢係屋企亂走!!! 於是我一邊大嗌, 一邊喊, 一邊去拎支殺蟲水, 對住隻離遠的不斷咁嘖, 大半支的殺蟲水比我用完咁濟!因為隻小強不斷爭扎, 我就係咁噴. 終於死了, 但我都唔敢拎走隻野;第二日由姨媽清理走佢.
老公成日都唔明點解我會咁驚...唉... 天生係咁驚都無辦法架...
qq:係呀,我真係好怕,
嗰晚真係好驚，多謝yumi同埋佢個honney呀michael。我老公咪又係話唔好埋佢，仲話無咁早收工幫你唔到，吹脹！
小燕: 估吾到你都會番言呀. 吾洗怕,吾洗怕阻住我地,你有咩事都要打比我,例如有湯飲記得CALL我過黎飲.HA HA ..
發佈留言