10幾年前了....媽咪話.daddy好鍾意賭馬.次次贏$, 都吾會儲起,一定會請婆婆一家大細食飯. 我最記得的是龍虾伊麵底.次次上大酒家,一定有好多魚虾蟹.有一次,我吾知佢嬴左幾多$,就買了這個琴比我. 我好開心,晚晚放學番屋企就練.直至我搬,都要搵專人搬,吾可以比佢有傷痕..這是daddy番比我最珍貴的禮物之一....
最記得細個時睇歡樂今宵,很夜了,你先至收工番黎. 媽咪就即刻整熱d飯你食,我就扮瞓着了,你就會抱我番房瞓.0個時就諗,我又呃到你呀...其實.做爸爸的點會吾知仔女的頑皮想法,到我地大個,你就講番一早都知我好扮瞓...ha ha ha..
今日重陽節, 因為身體吾好,去吾到拜你. 好掛住你..尤其係我0係最開心或者最吾舒服時.想同你傾訴時. 我成日諗,10年了,我同你講野你聽吾聽到,你0係邊,你投左胎未...老豆,我真係好掛住你..
5 則留言:
yumi:
好感人呀...
我想, 你爸爸會知道你和他傾計的.
去唔到拜佢都唔緊要, 有心就得架勒, 對嗎?!
qq
好感人呀!
我相信你爸爸會知道你既心意.
你要小心身體呀!
Alice
好明白......睇到我自己都有d想喊, 同你一樣......
十幾年, 好多嘢仲未放低. 好多問題想問佢.
雖然mic 好多方面都似daddy,思想呀.成熟呀.諗野好有遠見...不過始終daddy人生經歷多我地咁多,真係無得比..
發佈留言