我的家

5月份,是一個特別的月份, 3年前我第一次搬出來住,買樓置業. 老公說想大裝修,我說咁快?家私仲好新淨呀.說說0下,原來不經不覺已3年了,時間過得很快. 他說,我們供完這層,就買第2層,又供過,到時我地就有2層樓, 第一次買5百幾呎,第2次買800呎,再買再買... 我沒有他的遠見,心中很喜愛這個家,是我第一個家呀, 我寧可買800呎比人住,自己都要住番呢度,老公老是說我傻. 仍記得當時仍是我男朋友的老公因工作收夜未能和我睇樓, 我就自己周圍睇, 睇左好多間,好多地區,一入這屋,我就心說,係呢度la.吾洗再睇. 找家私,買電器的情景,仍記得好清楚....!我們的目標是3年內要供完層樓,yumi.比心機,加油呀..

另 : soft 上的mickey mouse 是10多年前老公暗戀我時送給我的, ( 10年後我先知呀 ), 佢坐住soft 陪我睇電視,都睇到有黑眼圈了.... >_<

GRAND MARNIER DOME 半圓球蛋糕

今日約左幾個貓友出去學呢個蛋糕,好好玩,不過我仍然係整得最差的, 無所謂,下次0係屋企慢慢再試吧, 吾夠時間雪個蛋糕,所以有D溶,個頂都吾靚,花都整得吾靚,不過個蛋糕好好味,佢叫沙架蛋糕,有酒,吾太甜,I LIKE IT ^_^ . 夜晚食左2粒榴槤當DINNER.好肚痛 >_<''

雞肉炒烏冬

一個極易又好味的晚餐,最啱我呢個煮白飯都煮極都煮吾好的人. 我覺得好味過煮意粉呀, 一次開party一定要再整, 相信小朋友仔會鍾意. ^_^

花生糯米慈

之前qqlam比左個食譜我,遲遲都懶整, 好難得有4日假,一定要整唯,好味,不過糯米真係好難整,好痴手呀.

是日晚飯

今日好難得煮飯,整左茄汁肉丸(豬+雞肉) 同埋豆腐鯇魚,老公話d餸好味,不過最基本的"飯"就仲未整得好,一係就多水,一係就太乾.激氣@_@

生個b b 好嗎 ??!!

呢一排成日有魔鬼同天使0係我身邊煩住我.

魔鬼話 :
你自己都照顧吾到自己,點照顧bb.
又要擔心佢健康.
呢頭又話細路仔吾可以去街市.
都未供完樓.
份工又好似吾係好穩定.
見到d細路仔好曳,好得人驚.

天使話: (其實係老公)
你生左出黎, 有嫲嫲婆婆幫你.
肥左比$你去減.
人人都係天生天養,洗咩咁擔心.
你睇0下表妹又靚好得意.
真係好想生個bb,睇0下似邊個.
你仲吾生就高齡,橫豎都係要生,宜家生同2年後生都一樣. 2年後個仔就2歲.幾開心.

老公好鍾意bb,我就自問真係ma ma 地, 佢成日話女人一定要生, 如果生bb係為左個男人,我又覺得吾值得. 可能我不嬲諗野好負面, 我真係咩都擔心一餐.

點好點好 !!!!!!

車厘哥夫曲奇

跟alice0209做了這個我想整好耐的cookies,老公問我放假整咩呀,我話cookies,佢好奇怪話,還原基本步??!!我話係呀,咩你有食過我整得好好食的cookies咩,佢話,無呀,多數都係比較硬,我話咁即係我未成功過呀.咁咪要整low. 我無食過真正的車厘哥夫.吾知係點,不過呢個食譜,真係超鬆化, 吾知係咪多牛油關係呢 ^_^

棉花蛋糕 ??

睇左小牛的blog有個好特別的蛋糕, 今日放假就急急腳整,平時整海綿蛋糕,都會係先坐溶牛油,不過呢個食譜直情係煮溶牛油,加入麵粉,得出黎就好軟,不過吾知係咪軟過頭, 當我倒轉個蛋糕時有d下陷情況出現,結果要切頭切尾先見得人,再加上倒扣關係,我都吾知放涼後洗吾洗又倒番轉,攪到宜家個底向左上.唉,都吾知想點..不過吾緊要,下次整好d la.

香蕉紅豆糯米卷

仲有小量糯米粉就用哂了, 要快d清哂d粉呀.

大年初七,祝大家生日快樂

0係度祝各位好似呢隻豬豬咁,發光發亮,人見人愛, (0係朗豪坊影ka,我一見就好鍾意la)

尋日係第一日正式出去派利是,因為婆婆初九生日, 我們每年一定會等齊所有舅父,亞姨,到酒樓book 一個大廳和婆婆慶祝同團年,咁啱老公放假,我都請了1/2 日假早一點去酒樓. 今次整左千層糕,其實我好怕無人食,所以只拿了2/3去,點知好快已食哂,仲有很多人未到,都無得試,老公話,呢個糕糕係好味wor, 要再次多謝wingwing 先. 今次整得平均好多, 吾會整到一層層好厚, 放多1,2日仲香呀 ^_^

遲了的情人節蛋糕

今日吾係好舒服,吾知係頭暈過渡,定係個蛋糕太滑,甩模時成個蛋糕360度反轉甩手跌在枱上,好彩吾係送比人,相信老公不會介意個面凹凸不平吧..@_@ .呢個蛋糕分左2日整,因為要先雪個啫哩,又要整cream cheese. 仲有乳酪,梗係吾小得新鮮mango la.最後加上好耐之前學過的朱古力花. ^_^

祝大家年年有餘

吾好以為我d魚仔咁傻, 見到利是都掉頭走呀. 其實佢地知道入面無$ , 所以先走咋. 其實佢地不知幾叻叻就真. ha ha ...

西米紅豆蓉布甸 + 蛋白椰絲cookies

問左媽咪點整西米, 都幾好味, 個蛋白cookies 一出焗有d縮我情況,好彩不太嚴重 @_@

第一次被tag中了.....

第一次玩呢個game. 好似講哂d野比人知tim. 等我又tag0下d朋友仔, 睇番佢地個內心世界先..


寫出填寫日期: 2007年1月28日
愛的食物: 薯片(一定係"品客") , 白朱古力. (都係會食肥人呀) @_@
愛的顏色: 無指定wor,睇0下for 咩la.
愛的休閒: 整野食.睇電視, (都係鍾意睇煮野食的節目,雖然吾會跟住整)
愛的老師: 無 !!!!
愛的歌手: e 神, joey.
愛的個性: 直腸直肚, 吾鍾意講大話
愛的口頭蟬: 無特別, 睇對象,如果對住老公就好多, 一見到就會話 : 老公,我想飲水.. , 老公,我想要眼鏡睇電視...,老公,屋企dirty要掃... ha ha. (佢成日話我一見到佢,佢就無時停)
愛的小動作:掃頭髮,因為吾想前面d頭髮遮住,剪短同夾起又吾好睇)
愛的季節: 春 & 秋
愛過的人: 吾知問咩.即係而家愛唔愛?
愛的人: daddy, mammy. mic. jeffery. ka wai. kei. 老爺,奶奶. 我識的都愛
愛的節日: 聖誕節 , 本身新年有份入圍,不過今件開始要派利是, out !!!
愛的運動: 無. !!
愛的定義: ..... ?? 吾係好知 !!!

為新一年做好準備... 第一件事係...

就係第一年派利是...