BLUE BERRY MUFFIN

第一次用新鮮BLUEBERRY 做MUFFIN. 可能我太貪心,落左好多藍莓.入面都係藍色的.HA HA,不過好好味. 一出爐食左2個. 一陣再食. 我係用左ALICE0209的食譜, 佢成日整MUFFIN. 我食過其中一種,好好味ca. 想跟佢食譜整好耐,一路都無買blueberry. 原來真係好味過用blueberry jam 整, thank you alice0209 ^_^

虎皮朱古力卷

先整好個捲蛋先. 入面係朱古力cream.本身想整朱古力蛋糕,入焗爐先發覺無用可可粉 !!!

呢個"文"我都整吾好,吾夠平均呀..

呢張相吾係我影得差,係我整個"文"差, 吾平均所以吾靚...

連切都切得差,好彩吾睇得都食得...

今日係大年初七,人日.個個都生日.咁我就整個ugly cake 當做birthday cake la ^_^.

其實尋日已做了虎皮,不過衰左.其實今日整呢個都係吾成功. 不過個皮要4個蛋黃,心都痛呀,d蛋白就咁就無用.又吾想整多個蛋白蛋糕wor... . 下次吾好咁心急捲,個皮真係好難整,切又切吾齊, 不過吾係送比人,無所謂la....

栗子小蛋糕

好耐無入kitchen,老公問,做咩咁耐吾整野食,我話吾想洗呀,整一次野要洗好多野,佢話:你咪整low.我洗呀.就係咁,我就整左呢個栗子蛋糕仔,不過我肯定,用炒的栗子會香好多 !!!

CHARLOTTE CAKE

請教左WINNIEVV點整呢個手指餅蛋糕,好有難度, 好易燶.又好易烈開呀. 只有30分. 下次再整!! 今晚BBQ,食埋ALICE送的月餅, 再食番咁多生果.GOOD GOOD.. (入面係水蜜桃慕絲蛋糕)

祝大家中秋節快樂.

蜜糖蛋糕

看到網友QQLAM的蜜糖蛋糕好吸引,問了做法和食譜,急不及待做了, 焗的時候好香蜜糖味,好似燒緊野食咁, 食都食到好香,好似飲左蜜糖水咁,成口都係蜜糖味, 又好鬆軟,不過吾知係咪因為太鬆,切得吾靚.好散.不過真係好味. 多謝QQ ^_^

班蘭小蛋糕

成日都好想整這種小小的蛋糕, 一口一個,相信老公會食,(整一個大蛋糕,老公是不願食呀).好早期已買定細紙模,不過有次蒸蛋糕仔用過,原來吾夠力托住.就成日心思思買個細模,不過好貴.早排經過永安,減價,見到很細的silicone muffin mould.$24 12個, 梗係即買la. 結果就整左個斑蘭蛋糕,焗0個時好香,不過食又吾係好出味. not too bad la ^_^

BLUEBERRY MUFFIN

這是我今日的下午茶,加左奶,入面濕濕的,不似平時做的乾,一出爐已即食2個.好味.

雲石磅蛋糕

尋日係結婚一週年,同左媽咪細佬食日本野,吾錯呀,又平, 媽咪好攪笑,佢一早打比我問我有無飯開,我話無呀,出街慶祝呀,佢話咁最多我坐堆一邊吾阻住你地la...

收到妹妹sms祝福,仲比左好多生仔的information我, 多謝哂 ^_^

今日day off. 一早起身發現屋企無野食,(我又懶落街食),就是但整左個磅蛋糕,我太貪心,加多左可可粉,所以整出黎吾"雲石". d 可可粉又攪得吾均,結果上層古力味, 下層牛油味....

朱古力軟心蛋糕

整呢個蛋糕真係一波三折, 好耐之前,表弟比左好大好大磚朱古力我, 我一心以為係黑力,今朝起身整,整,整, 打開個古力袋,原來係白力!!! 之後坐車去city super 買,好貴呀. 番到屋企又整整整. 因為食譜係7吋圓模,我新買了四方模,梗係用新玩具la.點知份量吾啱,最面0個層吾夠朱古力cover,要即刻再整第2份,不過又多過頭,(已經只用了1/2 份量), 結果就係最高0個層太厚朱古力.太甜low.

GRAND MARNIER DOME 半圓球蛋糕

今日約左幾個貓友出去學呢個蛋糕,好好玩,不過我仍然係整得最差的, 無所謂,下次0係屋企慢慢再試吧, 吾夠時間雪個蛋糕,所以有D溶,個頂都吾靚,花都整得吾靚,不過個蛋糕好好味,佢叫沙架蛋糕,有酒,吾太甜,I LIKE IT ^_^ . 夜晚食左2粒榴槤當DINNER.好肚痛 >_<''

棉花蛋糕 ??

睇左小牛的blog有個好特別的蛋糕, 今日放假就急急腳整,平時整海綿蛋糕,都會係先坐溶牛油,不過呢個食譜直情係煮溶牛油,加入麵粉,得出黎就好軟,不過吾知係咪軟過頭, 當我倒轉個蛋糕時有d下陷情況出現,結果要切頭切尾先見得人,再加上倒扣關係,我都吾知放涼後洗吾洗又倒番轉,攪到宜家個底向左上.唉,都吾知想點..不過吾緊要,下次整好d la.

遲了的情人節蛋糕

今日吾係好舒服,吾知係頭暈過渡,定係個蛋糕太滑,甩模時成個蛋糕360度反轉甩手跌在枱上,好彩吾係送比人,相信老公不會介意個面凹凸不平吧..@_@ .呢個蛋糕分左2日整,因為要先雪個啫哩,又要整cream cheese. 仲有乳酪,梗係吾小得新鮮mango la.最後加上好耐之前學過的朱古力花. ^_^

小小蛋糕仔 - 係moose cake呀

老公成日話我整咁大個蛋糕,2個人食吾哂,今次就d細細杯la. 係香橙moose cake.個面加左blueberry. 吾錯wor ^V^

雪人遲到了 !! - 士多啤梨戚風蛋糕

cream cake 係我其中一個弱項, 真係要比心機學呀 !!

樹頭蛋糕

老公話吾似樹木呀, 不過我都吾係好滿意, 買左杏仁榚諗住整裝飾,不過整得吾好, 我整呢d要裝飾的蛋糕都無無天份 !!

香橙mousse cake and 蟹柳腸仔包

不過今次個麵包無上次咁好, 吾知點解搓左好耐都仲chi 手.

呢個蛋糕令我知道咩叫一波三折, 話說呢個邊邊蛋糕,我第一眼見到已好鍾意,不過吾係好明點整, 多得泡泡茶再3教導,今日老公番公得自己一個,就的起心肝整. 個蛋糕邊本身想整朱古力cream. 點知原來得番白力, 我怕太甜同埋個蛋糕又白白0地,怕個色吾出, 就改左用cream+可可粉,(都未整過吾知得吾得), 之後到入面,諗住用古力+脆片碎做餅底. 咁咪迫住用白力,不過白力無黑力咁易溶, 好杰身, 最後都整到,不過好彩我有試味, 吾知點解加左古力後d脆片淋哂, 想死 !! , 好彩之前整個蛋糕片有多, 即用黎做底. 到個mousse, 手快未等d橙汁涼就加入cream, 結果咪d cream 溶左low!! 整裝飾d假力都吾聽話, 爛哂, 激死人呀 !!

ugly chocolate cake

呢個蛋糕係我0係電視無意見到星級厨師tony整的,個蛋糕係好ugly,發高之後會凹左落去,因為材料無麵粉,無力支撐個蛋糕. 不過好好味,因為個面好"翠",入面就好溶口,好似入口即溶朱古力,最衰自己怕失敗,開頭見佢係咁升,怕太近發熱線會整"lone",所以加左個網整塊錫紙,點知就有個印.不過吾怕la.反正佢都吾係靠外表.ha ha. 值得推介.

NEW YORK CHEESECAKE

加上YVES的自家ROSE JAM, 一流 ^_^

合桃兩食

比mic見到我有包合桃,問我做咩吾整野食, (我真係吾了解佢,都吾知咁鍾意食),所以整左2款吾同味的蛋糕,吾知佢滿吾滿意 *_*

冰皮月餅+紙包蛋糕

上年整左冰皮月餅,幾好味,今年再整,有小小雞手鴨腳,聽日同jeffery,ma ma lunch.比佢地的.希望佢地鍾意,另有紙包蛋糕,第一次整時,一出爐,縮得好勁,問左好多貓友,原來吾可以即刻出爐,咁我等左一陣,開頭真係吾縮,好開心la.點知一路影相一路縮,激死人la !!