Focaccia 意大利香草包

老公知我整無餡麵包.好似好無期待咁,估吾到老公都鍾意, ^_^

雪人遲到了 !! - 士多啤梨戚風蛋糕

cream cake 係我其中一個弱項, 真係要比心機學呀 !!

不靚靚,但好味的薑餅

一心整薑餅,整完先發現.....無哂糖霜,整吾到裝飾,不過都無所謂la.我不嬲都無裝飾天份,多數整左仲衰過吾整 !! 剛回家發生一件小事,不過得自己一個好無助,老公番工了,但自己又應付吾到, 打比媽咪,好彩佢正出街食飯,大膽問一句,可吾可以過黎我屋企,吾係我成晚吾洗郁, 結果媽咪真的黎救了我, 其實這小事係... 我見到隻小強呀. 雖然吾係好大隻,當我見到佢時,我即去kitchen拿了一個碗"com"住佢, 不過又吾知佢會吾會0係d邊度走出黎,咁我再用個小小垃圾桶再"com"住,就係咁,我用腳踏住個垃圾桶, 5分鐘後,發覺都係吾對路就打比媽咪了.. 死la.都吾知係0係出面入黎定屋企邊度有野dirty,點好 !!! anyway ...oh !! mammy. i love you.

迷你砵仔糕 & 椰汁紅豆凍糕

今日係平安夜,老公要番工,自己無出街,整左2種食物, 其實應該整d西式食物,不過買左本書,又想快d清哂d粘米粉,所以整左中式食物.不過開頭想用cookies 模cut d紅豆糕出黎,不過衰左.下次要用番布甸模呀 !! 上次整砵仔糕d紅豆煮吾淋,今次得左, 祝大家聖誔節快樂.

芝麻湯圓

細個時新年呀, 好凍的時候一定會食"利x"湯圓, 不過近1,2次食已發覺這品牌不好味, 加上之前買了很多糯米粉整月餅又用吾哂, 咁就自己整了, 老公話個皮好好,不過d芝麻太重手, (因為我地2個都鍾意芝麻,咪整多d low), 好! 下次整其他味道先 ^_^

我只想... 身體健康

今日照左x光, 條腰真係斜左,仲影到骨刺, 舅父話無得醫,只能盡量游多d水加強個背肌, 我問,我宜家條腰痛成咁,又無得整番直,只可食止痛葯,吾係食一世呀!!佢話真係無,我好吾開心, 媽咪話識人0個d針灸,老公話佢吾信呢d野, 比人打到半身不遂就死梗!! 我多口問左一句舅父,咁大肚咪仲痛仲辛苦, 點知佢話吾關事,生仔係用盤骨, 老公即刻話,吾好比藉口自己吾洗生. 傻傻0地, 咁都比佢知我諗咩 !!

樹頭蛋糕

老公話吾似樹木呀, 不過我都吾係好滿意, 買左杏仁榚諗住整裝飾,不過整得吾好, 我整呢d要裝飾的蛋糕都無無天份 !!

香橙mousse cake and 蟹柳腸仔包

不過今次個麵包無上次咁好, 吾知點解搓左好耐都仲chi 手.

呢個蛋糕令我知道咩叫一波三折, 話說呢個邊邊蛋糕,我第一眼見到已好鍾意,不過吾係好明點整, 多得泡泡茶再3教導,今日老公番公得自己一個,就的起心肝整. 個蛋糕邊本身想整朱古力cream. 點知原來得番白力, 我怕太甜同埋個蛋糕又白白0地,怕個色吾出, 就改左用cream+可可粉,(都未整過吾知得吾得), 之後到入面,諗住用古力+脆片碎做餅底. 咁咪迫住用白力,不過白力無黑力咁易溶, 好杰身, 最後都整到,不過好彩我有試味, 吾知點解加左古力後d脆片淋哂, 想死 !! , 好彩之前整個蛋糕片有多, 即用黎做底. 到個mousse, 手快未等d橙汁涼就加入cream, 結果咪d cream 溶左low!! 整裝飾d假力都吾聽話, 爛哂, 激死人呀 !!

牛油餐包

今次係我整咁多次麵包以黎最最最有心機的一次, 以前我見個麵團一chi手,我就加手粉,今次點都吾加,原來真係搓耐d就吾chi手, 我一路搓一路諗,原來我之前係咁加粉真係錯哂,今次比我平時係搓耐左好多. 之前成日吾明,雖然個包好鬆軟.但點解次次焗完都有麵粉味,個面好硬,我仲諗係咪個爐溫有問題, 睇左好多整麵包的討論,又有貓友wing wing 小詠的提點.今次比我成功左了, 無麵粉味,到最後發酵時仲可以拉到薄膜.(雖然吾係好叻,不過比起之前我一拉就分開2件已好好了) 學左wing wing 入左爐之後2分鐘先加蛋汁,可能我塗得吾平均,整到有"2種色"咁, 不過... 好味 *v*

神秘禮品

呢幾日條腰痛得好緊要好緊要,坐吾安,食吾樂.坐巴士番屋企45分鐘都好辛苦,同事話吾可能係坐骨神經有問題,好長手尾,又話要打針,要做"物理置廖". (死,痛到咩都吾識寫). 好吾舒服 !!
早幾日老公整左紅棗水比我,不過d水壺比番哂媽咪, 所以用住d checp checp 水壺,點知一d都吾保溫. 頭先番屋企,見到有支紅色物體, 即時笑了出來, 雖然d水吾保暖,不過個心就好溫暖. ha ha..

ugly chocolate cake

呢個蛋糕係我0係電視無意見到星級厨師tony整的,個蛋糕係好ugly,發高之後會凹左落去,因為材料無麵粉,無力支撐個蛋糕. 不過好好味,因為個面好"翠",入面就好溶口,好似入口即溶朱古力,最衰自己怕失敗,開頭見佢係咁升,怕太近發熱線會整"lone",所以加左個網整塊錫紙,點知就有個印.不過吾怕la.反正佢都吾係靠外表.ha ha. 值得推介.

幸福秘訣

早陣子常常聽到許志安的歌-豬先生. 沒有留意歌詞,但覺旋律不錯, 近日電視日日有唱,加上胡杏兒板,開始留意,原來歌詞很有意思, 我最鍾意呢幾句 -
開心多麼簡單,那怕愛人平凡,a餐 b餐 c餐,原來無論吃甚麼早餐,共你的每日都燦爛,而幸福秘訣太過簡單, 於好處著眼.
呢幾日我做左好多野, 我去左駁髮,不過番到屋企已吾多舒服,不過又吾想比老公睇死我玩玩0下, 我無講,到第2日洗頭, d 髮絲鬆哂,我去左剪短小小, 到第3日我忍吾到,我去左解髮,比我玩左3日, 用左差吾多$600, 老公一句都無鬧 !! 又有一日,佢收早,好攰,不過我部相機有問題,佢專登出九龍幫我拎比人整, 佢話你無得影相會吾開心, 我吾去邊個去. 0個一刻我想喊. 自問無做太太的責任, 佢已好攰, 家頭細務真係好多都係佢做, 掛衫出街又吾比話怕左我,驚我跌落街, 吸塵我又整爛吸塵機. 佢成日話,吾應該比禮金媽咪, 應該媽咪比番轉頭就真,係無錯 !!
我吾係想 "哂"我有幾幸福,我真係好想好想,個個人都可以知足, 日日都開開心心, 吾好太固執,吾好睇吾開, 樣樣事就會好美滿.
而我, 亦正在學習中 *v*

蛋撻

嘗試過幾過食譜, 都係吾夠出面人地咁好味 !! 不過老公就食左3個 !!!!

溫馨晚餐

媽咪尋日打比我話今晚有湯飲,叫我番去食飯, 我梗開心呀, 因為細佬吾0係屋企,食完飯就留多陣陪0下佢, 今日有2條魚. 我鍾意的薯仔炆雞.食飯時,佢話:留番1條比mic, 仲有留多d雞,佢吾食薯仔.... ???? 點解佢會記得老公吾食薯仔ca ?? 點解我地4個人食1條魚 (我,媽,哥同埋留飯的亞嫂),mic可以1個人食1條魚呀 ?? 好偏心的媽媽呀 !! 不過我無嬲, 仲好開心, ha ha ha...
講0下細佬, 講0下 d 女人野, 好開心的一個晚上呀, ^_^

有一點怪樣子的雞尾包

已不是第一次做雞尾包,次次mic都說, ha .吾講真係睇吾出呢個就係文明已久的雞尾包, 無錯,我次次都做得吾好,不過今次已比上次好了,但最重要0個2條 "條子"竟然溶了, 唉 !!吾知今次吾講,佢睇吾睇得出呢個係咩包 *_*

NEW YORK CHEESECAKE

加上YVES的自家ROSE JAM, 一流 ^_^

好味奶黃包 + 奶黃泡芙

今日蒸左4個奶黃包,呢排食左好多 " 蛋 " . 吾知會吾會膽固醇高左 !! 因為用錯左蒸模. 所以蒸左成12分鐘都吾熟,奇怪 !! 呀. 原來吾洗用個"低" .可能咁,隔左一層,吾熟,要蒸多4分鐘,所以有d豆皮,不過好味,咁大個我都食左2個, 之後再整左幾個好似鴨仔的泡芙, 第一次整, 所以吾係好靚,不過幾好味,但因為要"補"番個 "lon lon" . 所以要用好多cream. 我改用奶黃,不過都頂吾順,好多!! 不過食多2日要減肥. 因為放埋聽日要番工了 !!

白蟮都黎追月

佢真係好長, 計埋個咀,到我條腰呀,你話嚇吾嚇死 !!
老公的蟮都好大條呀,

上次老公釣魚吾夠喉.今日要再去,佢帶哂好長的用具去, 佢就釣左4條白蟮, 2條比左人,2條比番個海,我就勁la.釣左條吾知咩魚,個咀長到咁,我仲以為釣左垃圾呀,樹枝, 嚇死,老公話傻人釣傻魚,係佢咁傻先比我釣到. (因為我只係用魚排). 都係比左人 !!

追月cookies

真的很久很久沒整cookies 了.買了這個模回來已好一段時間,就給這曲奇陪我一起追月吧 ^_^

HKG GOLD COAST 1 DAY TOUR

呢隻蟹好勁,0係個箱入面走左出黎..



我吾識整開個鈎.所以上到黎佢仲要咬住D蟲.
D FISH扮死,我地一TOUCH佢,佢地仲游得好快

去左GOLD COAST 玩左一日,夜晚即興去左馬灣碼頭釣魚,梗係吾係我嗜好LA.我只係玩, 仲玩到個魚排落海. 不過發生左件好笑事,我地0係碼頭D梯級釣,有個浪黎緊, 好細個,MIC話有大浪呀,走呀,我無理佢,因為好細浪,2秒後佢叫多我一次.我咪行高級.點知一轉身,0個D浪水已打到上腳,如果我無走開,我已成身濕哂, 笑到我呀,心諗....吾通真係要聽佢話先好有處...WAH HA HA HA.....

一部好電影 - click

多得謝夫的介紹,今天看了這部電影 - 命運自選台 . 開始時好好笑,之後好發人心醒的. 有人在哭, 我亦紅了眼睛, 又想起了daddy !!
雖然今年懂得整酥皮月餅,但還是去了kowloon hotel 買了一盒給婆婆,自己當然有食,仲同mic研究我欠了甚麼,希望下次可以整好d !!

合桃兩食

比mic見到我有包合桃,問我做咩吾整野食, (我真係吾了解佢,都吾知咁鍾意食),所以整左2款吾同味的蛋糕,吾知佢滿吾滿意 *_*

成功了,. 成功了, 有酥皮月餅了..

先要多謝泡泡茶的指教,吾係都吾會成功, 不過我用包0個時用多左粉,所以焗出黎有小小白色,不過可以掃走的...

印尼千層糕+scone

整吾到最正統的9層, 不過都幾好味, 下次加多d斑蘭,同堆吾好整咁厚先.
多謝yves的rose jam. 用左scone上,yummy yummy... . 今日同屋企人食lunch,之後mic問我開吾開心.我問做咩呀.佢話一家人整整齊齊食飯,開心low.咁又係,慶幸我地2個都係易開心,易知足的人, 其實比很多人輕鬆得多了..

冰皮月餅+紙包蛋糕

上年整左冰皮月餅,幾好味,今年再整,有小小雞手鴨腳,聽日同jeffery,ma ma lunch.比佢地的.希望佢地鍾意,另有紙包蛋糕,第一次整時,一出爐,縮得好勁,問左好多貓友,原來吾可以即刻出爐,咁我等左一陣,開頭真係吾縮,好開心la.點知一路影相一路縮,激死人la !!

又黎酥皮月餅

今次改左個爐溫,好左小小,不過都係吾上色,如果日日咁try,會比老公鬧,整肥佢wor !! 不過吾成功,又吾想收手 *_*

蝴蝶花蛋糕

alice 的心心蛋糕
QQLAM 的糯米CHI
YVES 的HOMEMADE JAM. (超香)

好開心,今日好多朋友仔一起去玩,仲有alice,yves,queenie的禮物.